Филиали Амонатбонк дар ноҳияи Кушониён ғолиби мусобиқаи варзишӣ оид ба намуди футболи хурд гардид.

Бахшида ба санаи 25-уми май Рӯзи ҷаҳонии футбол миёни ташкилоту корхонаҳои ноҳияи Кушониён барои дарёфти ҷоми Раиси ноҳияи мазкур мусобиқаи варзишӣ оид ба намуди футболи хурд баргузор гардид.

Дар мусобиқаи мазкур 18 даста миёни ҳам рақобат намуда, дастаи футболбозони филиали №54 Амонатбонк дар ноҳияи Кушониён дар мусобиқаи варзишӣ фаъолона иштирок намуда, бо 3 ҳарифи худ даст боло гардиданд.

Ҳамин тариқ дар марҳилаи финалӣ дастаи футболбозони филиали №54 Амонатбонк бо ҳисоби 6:3 ба дастаи МИҲД ноҳияи Кушониён ғолиб дониста шуда, сазовори ҷойи якум гардиданд.

Дар охир аз ҷониби Раиси ноҳияи Кушониён ғолибон бо диплом ва ҷом сарфароз гардонида шуданд.